دكتورة الاء محمد علي

ريفيو من قلبي لأحلى دكتورة نساء وتوليد ♥️🥹 أنا ولدت يوم ٢٦، وكانت رحلتي مع د. آلاء محمد من أول المتابعة لحد يوم الولادة من أحسن التجارب اللي ممكن أحكي عنها. ❤️ أنا من البداية كنت رايحة وأنا نفسي أولد طبيعي، والدكتورة فعلًا كانت واقفة معايا لآخر لحظة. أخدت معايا الطلق كله، وتعبت معايا جدًا في العمليات، وحاولت بكل الطرق إنها تساعدني أولد طبيعي، واستنت فعلًا لآخر لحظة وما استعجلتش خالص في قرار القيصرية. حتى لما كنت بقولها إن عندي وجع بيشتد، كانت مهتمة إني أنزل وأجيلها علشان تكشف عليّا وتطمن بنفسها. 🥹❤️ والأجمل إنها ما كانتش عايزة تحولها قيصري لمجرد إن الموضوع طال أو بقى متعب، فضلت تحاول معايا لحد ما ظهرت العلامة اللي خلت الطبيعي مش هو الاختيار الآمن، وساعتها أخدت القرار الصح في الوقت الصح. وأنا أصلًا كان كل رعبي من القيصرية هو شكل الجرح وشكل بطني بعد العملية 😭😂 لكن اللهم بارك… اللهم بارك… الجرح خطه مش ظاهر تقريبًا! 😭❤️ مش باين غير جزء صغير جدًا في آخر الجرح، ومع الكريمات بإذن الله هيخف أكتر وأكتر. وفترة المتابعة كلها كانت مريحة جدًا؛ كانت دايمًا بتقولي المهم اللي أعمله، ومش بتطلب مني تحاليل أو سونارات ملهاش لازمة. كل حاجة كانت بتطلبها فعلًا لها سبب وفايدة وبتطمني على صحتي وعلى البيبي. ❤️ بجد من الناس القليلة اللي حسيت إن عندها علم وضمير وخوف من ربنا، مش مجرد شغل أو شو. ربنا يبارك فيها وفي علمها وإيديها، ويرزقها دايمًا الخير على قد ما بتطمن وتريح قلوب أمهات كتير. 🤲🏻❤️ والحمد لله، حتى فترة تعافيّ بعد القيصرية كانت جميلة جدًا، وربنا رزقني بدكتورة كنت مطمنة وأنا معاها من أول الحمل لحد الولادة وبعدها. 🥹❤️ ريفيو من قلبي لد. آلاء محمد… فعلًا ربنا يبارك فيها ♥️♥️

المهارة في العمل والواجب الإنساني الليل قبل النهار

والله الله يباركلها دكتورة رحيمة و صبورة الله يجازيها الف خير