Dr. Asmaa Sadek

إحنا روحنا لد. أسماء بعد ما لفينا على عدد كبير جدًا من دكاترة الأطفال واستشاريين الرضاعة، وبعد ما واحد من الدكاترة رشحلنا ناخد رأيها في حالة بنتى الصعبة. من أول مرة شافتنا، كانت فعلًا انسانة قبل ما تكون طبيبة… كل تفاصيل اول مرة كشف تشهد بكده د. أسماء طبيبة شاطرة طبيًا، متطلعة على أحدث الguidelines و بتشرحلنا دايما بالطريقة المناسبة، وبتفهم كويس وتهتم بكل تفصيلة تخص الطفل. كمان هي متخصصة فى Neonatal وده كان واضح جدًا في فهمها لحالة بنتي اللى ناس كتير مكانوش فاهمينها ، خصوصًا إننا كنا وصلنا لمرحلة إن بنتي مش عارفة تدخل أي حاجة في بقها وتبلع بأي طريقة. ورغم صعوبة الحالة، كانت دايمًا بتطمننا وتأكد إننا فريق واحد …. وتشجيعها ودعمها فرقوا معانا جدًا فى اول و اهم شهور فى حياة بنتى . د. أسماء إنسانة صبورة، ذوق، ولسانها حلو، ومش بتبخل بأي دعم أو تشجيع. كمان المركز نفسه راقي جدًا سواء كان فى احترام المواعيد، طريقة التعامل او حتى فى توفير غرفة رضاعة مكيفة. ومن الحاجات اللي تستحق الذكر فعلًا إن الأسعار أكثر من ممتازة، وأقل بكتير من مستوى الخدمة والاهتمام اللي بيتقدم. أكيد في تفاصيل كتير مش هعرف أكتبها كلها، لكن حتى الكلام ده مش موفي د. أسماء حقها. أقدر أقول بكل ثقة إن رحلتي في الأمومة كانت هتكون مختلفة تمامًا من غير د. أسماء.

من أفضل الأماكن لعلاج الاطفال وأقترح على اي حد عنده طفل رضيع عموما، وطفل كان في حضّانه خصوصاً انه يعمل معاهم اختبار (NBAS) وده اختبار لتقييم سلوك الطفل الرضيع واستجاباته العصبية والمعرفية واتمني الاختبار ده يتعمم في كل مكاتب الصحة زي ما اتعمم اختبار مقياس السمع. لأنه من افضل الاختبارات اللي ممكن تنوّر للأم والأب عن طفلهم. شكراً لدكتوره أسماء على صدقها وصبرها وحرصها على ان الاهل يفهموا حالة طفلهم ويطمنوا عليه.

دكتور اسماء ربنا يباركلها دكتورة شاطرة جدا بقالي شهر بلف بابني على دكاترة الاطفال واستشاريين الرضاعة محدش عارف يحل مشكلتي لحد ما روحتلها ربنا يديها الصحة ابني اخيرا اتحسن واخيرا عرفنا المشكلة