Dr. Hatem Bdran

كنت من المحظوظين اللي تعاملت مع دكتور حاتم، غير انه شخص محترم و ذوق، هو علامة في جراحة الأنف ازالة الغضاريف و تصحيح المسار، عملت العملية من حوالي سنتين و نص، روحت للدكتور بعد ما استنفذت حلول اني اعرف اكل و ابلع من غير ما نفسي يتكتم لأن الفم عندي كان منفذ النفس الوحيد، اول كلمة دكتور حاتم قالهالي: انتي بقالك ما لا يقل عن ١١ سنة مناخيرك مقفولة، و ده حقيقي لأني من طفولتي مريضة حساسية انف و اتشخصت كتير غلط و لما اكتشفت otrivin كنت بسيئ استخدمها لحد ما بقى عندي كتلة من الغضاريف مش بتتحرك، و برغم خوفي الشديد من العمليات دكتور حاتم شجعني و طمني بعد ما اتكلم معايا بهدوء في كل التفاصيل و استحمل انفعالاتي و خوفي بمنتهى الإنسانية و الحرفية. سألت اصحابي اللي عملوا نفس العملية قالولي أسوأ حاجة فيها هي الفتيل، و لما اتكلمت مع دكتور حاتم اقترح عليا بديل و هو powder بيتحط مرة واحدة فقط بعد العملية مباشرة و خلاص كدة عكس الفتيل، و فعلا مشيت مع توصيات دكتور حاتم و كانت عملية اه مزعجة لمدة ١٠ ايام، بس والله يوم ما شلت الدعامة بعد ال healing process و اتنفست من مناخيري حسيت بتدفق هوا كبير و اتخضيت جدا و دمعت من احساس الراحة اللي لا يوصف. انهارده لما بقول الكلام ده لأي حد عمل نفس العملية مع دكتور مختلف في نفس التوقيت يقولولي ان مفعولها راح و الغضاريف رجعت لكن انا حالتي غير الكل لأن استاذ كبير زي دكتور حاتم اهتم بكل التفاصيل و مسابش مجال للانتكاسة. مديونة ليك بكتير اوي يا دكتور و اكيد انا مجرد نقطة في بحر ال patients اللي خفوا على ايدك و حياتهم بقت احسن. شكرا من قلبي!

افضل جراح انف و أذن اجرى جراحه رائعه لبنتي ربنا يكرمه

الحمد لله بعد معاناة عشرين سنة مع الجيوب الانفية و افرازات طول اليوم و نف و التهابات و صداع اخدت القرار و عملت العملية مع دكتور حاتم و الحمد لله عدلت الحاجز الانفى و عملت كى للغضاريف و دلوقتى عايش حياة طبيعية بتنفس كويس و مفيش صداع و قريفة و الدكتور جزاه الله خيرا بيشرح كل حاجة بالتفصيل و بيوضح كل حاجة جزاك الله خيرا دكتور حاتم